موضوع اليوم موضوع حبيت نحكي فيه قداه من مرة و مجاتش الفرصة ، لكن اليوم بالذات باش نحكي فيه ، موضوع اليوم يخص اللاعب "" سامح الدربالي "" ...
اللاعب هذا من احسن الملاعبية اللي تعداو عالبارك B ... و برشة يتسألووو علاش ؟؟؟ ... على خاطر من نهارت اللي حط ساقيه في الترجي و هوا كان الخدمة و السكات و التربية و الاخلاق و لا مرة سمعنا انووو الدربالي عمل مشكلة داخل الميدان او خارج الميدان ... حياتووو كلاعب في صفوووف الترجي بدات عام 2001 وقتلي شراتوو الترجي من نسر جلمة (( يلعب كجناح ايمن و ليس كظهير )) و هو عمروو 15 سنة و التحق مباشرة بصنف الآمال ... و سنة 2006 عمروو 20 سنة التحق بصنف الأكابر زمن المدرب ""Jacky Duguépéroux "" (( اللي برشا من فروخ البوماضة متاع توااااا ما يسمعوش بيــــه اصلا )) و من وقتها بدا مع الترجي أكابر ...
في اوائل 2007 رحل المدرب الفرنسي و حل محله المدرب فوزي البنزرتي اللي من اللحظة الاولى رجع "" سامح الدربالي "" من جناح أيمن إلى ظهير أيمن ... و من وقتها تبدلت حياتووو كلاعب ....رحل البنزرتي و حل مكانه العديـــــــــد من المدربين .... و تعدى سامح الدربالي على يدين برشة مدربين كيما : العربي الزواوي (( من جويلية 2007 حتى اوت 2007 )) ، كارلوس البرتوو كابرال (( من سبتمبر 2007 حتى ديسمبر 2007 )) و بعد جاء يوسف الزواوي (( من ديسمبر2007 حتى ماي 2008 )) و من بعد يرجع كابرال من مـــاي حتى ال نوفمبر 2008 , و بعدوو جوزي دي مورايس 2008 -2009 ... في الثلاثة سنين هذومة سامح الدربالي هز مع الترجي : بطولة تونس 2006 و ثلاثة كؤوس تونس 2006 و 2007 و 2008 على التوالي و معاهم البطولة العربية و كأس شمال افريقيا... و من بعد يمشي عام اعارة للاولمبي الباجي سنة 2009-2010 ... العام هذاكة سامح الدربالي عمل القهر مع باجة و هز معاها كأس تونس ضد النادي الصفاقسي .
اطيــــح باجة للقسم الثاني و يرجع الدربالي بعد مراطون طويل في البطولة و الكأس مع باجة من الباب الكبير للترجي (( 2010 2012 )) وقتها المدرب نبيل معلول ... سامح الدربالي اساسي مع معلول طيلة السنة و نصف و ثلاثية في سجله و سجل الترجي كأروع مــا يكون : بطولة و كأس تونس و رابطة الابطال الإفريقية ... الاكيد انووو الإصابات مهياش باش تكون غايبة على لاعب طيلة عامين و نصف , و تعرض الدربالي لاصابة و ثنين و ثلاثة و النبارة و اللي مايحبوش ملاعبي براني و زيد عليهم فروخ الفايسبوك اللي كثروو مبعد الثورة.... كانت الكلها عوامل باش تخلي مردود احسن ظهير في تونس ((بشهادة الجميع )) في تراجع ... و اكبر دليل على كلامي هو كأس العالم للاندية و نهائي رابطة الابطال ضد الاهلي وقتلي يلعب مضروب ... نكملوو مع المدربين : بعد معلول يجي ميشال دي كاستال (( جانفي 2012 - ماي 2012 )) و مبعد يرجع معلول (( ماي 2012 - فيفري 2013 )) و بعدوو ماهر الكنزاري (( فيفري 2013 -اكتوبر 2013 )) و بعدوو سيباستيان دو سابر (( ديسمبر 2013 -جانفي 2014 )) و بعدوو روود كرول من جانفي حتى مـــاي 2014 و بعدوو يرجع سيباستيان دو سابر من مـــاي حتى اوت 2014 و بعدوو يجي خالد بن يحي من (( اوت 2014 - فيفري 2015 )) و مبعد يرجع دي مورايس من ((فيفري 2015 - جوان 2015 )) ، و تواا هاو الفرنسي جوزي أنيڤوو ...
و من وقتلي رجع مع الترجي من الاعارة مع باجة عام 2010 حتى لليوم و هواا اساسي و عيطولوو للمنتخب قداه من مرة ، و غير هذا الكل ، فمة سؤال نحب نطرحوو على الناس اللي في كل ماتش تبدى تسب في اللاعب هذا : زعمة المدربين هذوما الكل ، فيهم اللي درب الترجي مرة و ثنين و فيهم اللي اول مرة يدربها : زعمة هذوما الكل يعرفوو انوو "" سامح الدربالي ماهوش ملاعبي و ملزوزين عليــه و الا فمة حكاية اخرى ؟؟؟ ، زعمة الترجي بإطارها الفني و الإداري ملقاتش ظهير باهي في تونس والا خارج تونس و الا في شبان الترجي ؟؟؟ زعمة المدربين اللي تعداو على الترجي الكل و اولهم البنزرتي و معلول و بن يحي ، لو كان الدربالي ماهوش كوارجي و ماهوش متاع الترجي : زعمة باش يخلووه يكمل في الترجي ؟؟؟ تي ماهم زعمة سيبوه لباجة و مبعد ندمووو و رجعوووه ...
في بالكم انووو "" سامح الدربالي "" اقدم ملاعبي حاليا في الترجي بالرغم مازال ما سكرش ال 30 سنة !!! ، في بالكم انوو الدربالي من جيل نعيم بالربط و بوشروان و مراد المالكي و زياد البحايري و مروان البكري و مايكل انيراموو و حمدي القصراوي و كمال زعيم و معين الشعباني و احمد الحامي ...و...و...و... في بالكم انووو الجيل اللي طلعوو البنزرتي كيما : وسيم نوارة و خالد القربي ، وجدي بوعزي ، اسامة الدراجي ، يوسف المساكني ، انيرامو ، افول ، و...و....و....و .. فيهم اللي تسحت ، وفيهم اللي احترف ، فيهم اللي جاتوو فرصة الاحتراف كيما الدربالي و الترجي ما سيبتوش ... على خاطر بلاصة الدربالي ما فماش شكون يعوضوو فيها و تقريب هاكم تشوفوو حتى المباركي ما ڤدش روحوو فيها ...
ملخص القول : بالنسبة للي يسبوو في الدربالي و ماهوش عاجبهم كلاعب : نقوللهم : براو تعلموو احكووو عالكورة و شوفوو البلماراس متاع الدربالي و اش عمل مع الترجي و مبعد تفضلووو احكووو ... و بالنسبة للي جايبنها لوغة حڤرة و جهويات و الدربالي ماهوش ولد جمعية ، نقوللهم : الدربالي متربي في الترجي من عام 2001 و لوكان جاء ماهوش متاع كورة و "" بهيم "" و...و..و..و... راهوو خرج من الترجي من هاك العام ...
كلمة اخيرة لفروخ الفايسبوك الي تلقاه عمروو ما فاتش 17 سنة و عامل باج باش يسب ملاعبية الترجي باش يحصل برشة جمات و زادا الباجات المأجورة اللي تحرق الملاعبية و اتطلع ملاعبية اخرين : الترجي ما تاقفش عليكم و سامح الدربالي من احسن الاظهرة في تونس شئتم ام أبيتم و ماعندكم وين توصلوو معاه مهما سبيتوه و الا نبرتوو عليه ،سيبووو الراجل يخدم على روحوو و يزيكم راكم عورتوووولها و ماهلكتوو الترجي كان انتوووما ... لو كان جاء من باردوو و الا من بنزرت و الا من احواز العاصمة راكم حليتوولوو في الجنة ذراع ... و قبل ما تسبوو اي لاعب ، شوفووو البلماراس متاعوو و اش عمل في كرياروو ... و خير دليل على كلامي الصورة اللي اللوطة ...
اللاعب هذا من احسن الملاعبية اللي تعداو عالبارك B ... و برشة يتسألووو علاش ؟؟؟ ... على خاطر من نهارت اللي حط ساقيه في الترجي و هوا كان الخدمة و السكات و التربية و الاخلاق و لا مرة سمعنا انووو الدربالي عمل مشكلة داخل الميدان او خارج الميدان ... حياتووو كلاعب في صفوووف الترجي بدات عام 2001 وقتلي شراتوو الترجي من نسر جلمة (( يلعب كجناح ايمن و ليس كظهير )) و هو عمروو 15 سنة و التحق مباشرة بصنف الآمال ... و سنة 2006 عمروو 20 سنة التحق بصنف الأكابر زمن المدرب ""Jacky Duguépéroux "" (( اللي برشا من فروخ البوماضة متاع توااااا ما يسمعوش بيــــه اصلا )) و من وقتها بدا مع الترجي أكابر ...
في اوائل 2007 رحل المدرب الفرنسي و حل محله المدرب فوزي البنزرتي اللي من اللحظة الاولى رجع "" سامح الدربالي "" من جناح أيمن إلى ظهير أيمن ... و من وقتها تبدلت حياتووو كلاعب ....رحل البنزرتي و حل مكانه العديـــــــــد من المدربين .... و تعدى سامح الدربالي على يدين برشة مدربين كيما : العربي الزواوي (( من جويلية 2007 حتى اوت 2007 )) ، كارلوس البرتوو كابرال (( من سبتمبر 2007 حتى ديسمبر 2007 )) و بعد جاء يوسف الزواوي (( من ديسمبر2007 حتى ماي 2008 )) و من بعد يرجع كابرال من مـــاي حتى ال نوفمبر 2008 , و بعدوو جوزي دي مورايس 2008 -2009 ... في الثلاثة سنين هذومة سامح الدربالي هز مع الترجي : بطولة تونس 2006 و ثلاثة كؤوس تونس 2006 و 2007 و 2008 على التوالي و معاهم البطولة العربية و كأس شمال افريقيا... و من بعد يمشي عام اعارة للاولمبي الباجي سنة 2009-2010 ... العام هذاكة سامح الدربالي عمل القهر مع باجة و هز معاها كأس تونس ضد النادي الصفاقسي .
اطيــــح باجة للقسم الثاني و يرجع الدربالي بعد مراطون طويل في البطولة و الكأس مع باجة من الباب الكبير للترجي (( 2010 2012 )) وقتها المدرب نبيل معلول ... سامح الدربالي اساسي مع معلول طيلة السنة و نصف و ثلاثية في سجله و سجل الترجي كأروع مــا يكون : بطولة و كأس تونس و رابطة الابطال الإفريقية ... الاكيد انووو الإصابات مهياش باش تكون غايبة على لاعب طيلة عامين و نصف , و تعرض الدربالي لاصابة و ثنين و ثلاثة و النبارة و اللي مايحبوش ملاعبي براني و زيد عليهم فروخ الفايسبوك اللي كثروو مبعد الثورة.... كانت الكلها عوامل باش تخلي مردود احسن ظهير في تونس ((بشهادة الجميع )) في تراجع ... و اكبر دليل على كلامي هو كأس العالم للاندية و نهائي رابطة الابطال ضد الاهلي وقتلي يلعب مضروب ... نكملوو مع المدربين : بعد معلول يجي ميشال دي كاستال (( جانفي 2012 - ماي 2012 )) و مبعد يرجع معلول (( ماي 2012 - فيفري 2013 )) و بعدوو ماهر الكنزاري (( فيفري 2013 -اكتوبر 2013 )) و بعدوو سيباستيان دو سابر (( ديسمبر 2013 -جانفي 2014 )) و بعدوو روود كرول من جانفي حتى مـــاي 2014 و بعدوو يرجع سيباستيان دو سابر من مـــاي حتى اوت 2014 و بعدوو يجي خالد بن يحي من (( اوت 2014 - فيفري 2015 )) و مبعد يرجع دي مورايس من ((فيفري 2015 - جوان 2015 )) ، و تواا هاو الفرنسي جوزي أنيڤوو ...
و من وقتلي رجع مع الترجي من الاعارة مع باجة عام 2010 حتى لليوم و هواا اساسي و عيطولوو للمنتخب قداه من مرة ، و غير هذا الكل ، فمة سؤال نحب نطرحوو على الناس اللي في كل ماتش تبدى تسب في اللاعب هذا : زعمة المدربين هذوما الكل ، فيهم اللي درب الترجي مرة و ثنين و فيهم اللي اول مرة يدربها : زعمة هذوما الكل يعرفوو انوو "" سامح الدربالي ماهوش ملاعبي و ملزوزين عليــه و الا فمة حكاية اخرى ؟؟؟ ، زعمة الترجي بإطارها الفني و الإداري ملقاتش ظهير باهي في تونس والا خارج تونس و الا في شبان الترجي ؟؟؟ زعمة المدربين اللي تعداو على الترجي الكل و اولهم البنزرتي و معلول و بن يحي ، لو كان الدربالي ماهوش كوارجي و ماهوش متاع الترجي : زعمة باش يخلووه يكمل في الترجي ؟؟؟ تي ماهم زعمة سيبوه لباجة و مبعد ندمووو و رجعوووه ...
في بالكم انووو "" سامح الدربالي "" اقدم ملاعبي حاليا في الترجي بالرغم مازال ما سكرش ال 30 سنة !!! ، في بالكم انوو الدربالي من جيل نعيم بالربط و بوشروان و مراد المالكي و زياد البحايري و مروان البكري و مايكل انيراموو و حمدي القصراوي و كمال زعيم و معين الشعباني و احمد الحامي ...و...و...و... في بالكم انووو الجيل اللي طلعوو البنزرتي كيما : وسيم نوارة و خالد القربي ، وجدي بوعزي ، اسامة الدراجي ، يوسف المساكني ، انيرامو ، افول ، و...و....و....و .. فيهم اللي تسحت ، وفيهم اللي احترف ، فيهم اللي جاتوو فرصة الاحتراف كيما الدربالي و الترجي ما سيبتوش ... على خاطر بلاصة الدربالي ما فماش شكون يعوضوو فيها و تقريب هاكم تشوفوو حتى المباركي ما ڤدش روحوو فيها ...
ملخص القول : بالنسبة للي يسبوو في الدربالي و ماهوش عاجبهم كلاعب : نقوللهم : براو تعلموو احكووو عالكورة و شوفوو البلماراس متاع الدربالي و اش عمل مع الترجي و مبعد تفضلووو احكووو ... و بالنسبة للي جايبنها لوغة حڤرة و جهويات و الدربالي ماهوش ولد جمعية ، نقوللهم : الدربالي متربي في الترجي من عام 2001 و لوكان جاء ماهوش متاع كورة و "" بهيم "" و...و..و..و... راهوو خرج من الترجي من هاك العام ...
كلمة اخيرة لفروخ الفايسبوك الي تلقاه عمروو ما فاتش 17 سنة و عامل باج باش يسب ملاعبية الترجي باش يحصل برشة جمات و زادا الباجات المأجورة اللي تحرق الملاعبية و اتطلع ملاعبية اخرين : الترجي ما تاقفش عليكم و سامح الدربالي من احسن الاظهرة في تونس شئتم ام أبيتم و ماعندكم وين توصلوو معاه مهما سبيتوه و الا نبرتوو عليه ،سيبووو الراجل يخدم على روحوو و يزيكم راكم عورتوووولها و ماهلكتوو الترجي كان انتوووما ... لو كان جاء من باردوو و الا من بنزرت و الا من احواز العاصمة راكم حليتوولوو في الجنة ذراع ... و قبل ما تسبوو اي لاعب ، شوفووو البلماراس متاعوو و اش عمل في كرياروو ... و خير دليل على كلامي الصورة اللي اللوطة ...
0 commentaires:
Enregistrer un commentaire